香港新浪網 MySinaBlog
« 上一篇 | 下一篇 »
丹仔 | 4th May 2011, 10:09 AM | 隨意想寫 | (190 Reads)

 

一直以來,我都係覺得只有迪士尼先會拍一些合家歡既電影,但最近裝了PPS先發覺,原來仲有好多其他電影公司都會有這類既題材!就係近期,睇到一齣既好笑,又溫馨既movie-蕾蒙娜和姐姐(Ramona and Beezus)

故事主角是那個得九歲既妹妹Ramona,她是一個非常之活潑,成日發白日夢,又非常之愛倒蛋既小女孩。伴隨而來既當然係有好多好多好好笑既麻煩。不過這個小妹妹亦係一個好善良既女孩,產生麻煩後總能夠出奇不意帶來些好既後果....如她因為想幫補爸爸失業而去想辦法「賣果汁」賺錢,攪攪下攪到附近既大哥哥搵佢幫手洗車...雖然最後攪到架車淋滿漆油五顏六色,但卻使到係車入面既auntie和哥哥破鏡重圓「因禍得福」!成套戲都充滿歡樂既氣氛!我睇過網上d評論,甚至有人覺得佢似小丸子呢^^" 而我覺得最好笑既一段,係佢發皮氣裝胸作勢要離家出走!媽媽勸說無效後,個呀媽竟然幫佢執埋包袱另佢騎虎難下,臨出門口時仲要加多句「記得要寄信反來唷!」非常攪笑XD 對白方面,亦充滿歡樂既氣氛-如在開始時,她收埋了學校寄來既成績表但又唔記得收埋姐姐果份,到呀爸問到時先死死地氣從冰箱拿出來...呀媽睇到係旁邊笑往加左句「她怕成績表變壞了哦!」XD