不經不覺，又到了新一季出爐啦！時間過得真快呢 Q_Q 

上季來講，好睇既我覺得沒有多小... e.g. 有好多人都話好睇既 Buzzer beat，但我只睇了不夠兩集就放棄... 還是有好多要用飛來睇... T_T 沒辦法，太港劇了！...又是四角戀 T_T" 有人說此劇好有 feel ，甚至有人竟然說似 Love Generation，悠長假期這些經典劇.... 但請恕小弟不懂欣賞... 完全沒有任何感覺，亦冇任何去追既慾望... maybe 我太偏激也說不定呢 XD 不過話時話，所謂各花入各眼，最重要既，是大家選對自己既口味就好，沒必要為各自既喜好攪到好似拜偶像咁，迫人認同就好^^

至於，小弟在夏季仍然 keep 著追看的，就只有 怨屋木鋪 REBOOT 和 Dandy Daddy，怨屋今年是笫二季既績作，我是因為在年初時無意中看了她的 2009 SP 才提起興趣的。雖說沒有 2006 年笫一季來得精彩，主因是編劇把節奏拖慢了，並且好多事既交代上也沒有上季那麼強而有力... 如在最尾一話大結局時，怨屋借用外緩幫忙，對比同樣地在首季笫一話怨屋也是請外緩幫手，並且同樣在結尾時交代事件既來龍去脈。但笫一季既交代，有埋片段去交代前文後理非常清澈，和本季只用幾句交談就帶出成件事為什麼那位伯伯會肯幫忙... 哦~ 原來是因為記者以前既報導影響了他聲譽現在要報仇...！無論在處理手法上和帶出來既效果簡直有天壤之別！就像我們去看一篇成熟、有條理既文章，會感受到裡面既文筆非常流暢一氣呵成；相反一個三流寫既文章，觀看時卻諸事不順，或許你要去看註釋才明白件事一樣。簡單來講，就是今季負責編劇功力不及笫一季那位，能做到清楚、簡潔、易明！不過，始終她的題材較特別，是一個幫人洗去怨恨既故事，讓觀眾好自然地投入受害者既角色希望怨屋幫他報仇算恨，最後事件用合情理，而不是甚麼光怪陸離既方法得以解決大快人心，讓我睇得大呼過癮XD 算是今季既代表作。絕對是值得一看的深夜劇^^

另一套我有追看既，亦是似乎好多人都不太喜愛既 Dandy Daddy，她十分似早幾年既父女七日變，當然，男主角也是父女七日變裡飾演爸爸的館慱。只是女主由新垣結衣這位清純女生，轉了近年也頗多拍劇的南澤奈央。至於我喜歡此劇的原因，說實話，的確是受父女七日變既影響，對這類溫情中，又帶有幾分攪笑既劇種產生好感！去看著一個父親對自己仔女既溺愛、關懷；又看到他和女兒之間既矛盾，真的既好笑、又感人^^ 是一部好有趣味既故事呢^^ 

至於新一季，暫時我睇過既有仁醫、Untouchable、My Girl、不毛地帶、古代少女Dogoo酱、孃王 Virgin 和真我霓裳。當中最好睇既，首選仁醫！情度真的完全出乎意料之外。故事是講述一名現代腦科醫生，穿越到江戶時代行醫既故事；那時代既人見到現代醫學－如開刀這些... 在當時人心目中就像是要去殺人一樣！！試想像一下，現代有人拿槍射你說是會醫好你既病的話，你會怎麼想？簡直荒唐啦！但主角－南方 仁就是帶著這一專門知識去到這個剛接觸西方文化、西方醫學既時代去救濟傷患... 加上當時既設備... 就如笫一個手術，仁就要利用木工既工具去把頭骨鑿開去除腦內既血塊... 笫二個手術更是在完全沒有麻醉既情況下開刀動手術... 我想不單止對當時圍觀既患者親友帶來極大衝擊，甚至座在電腦前欣賞既我亦睇到心郁郁！如無意外會是今季必看之作！

其次 Untouchable 和 My Girl 也不錯，Untouchable 走推理路線，但主角仲間由紀惠不是做警察，而是曾在一份一流雜誌既記者，後因和上司吵架被遲退去到一間三流雜誌社既故事，可算是一部關於上班族既故事吧。

至於 My Girl（中文譯做『我的乖乖女』），是一部較溫情既故事，感覺良好，但沒有甚麼追看性... 會再看多一、二集再作定奪！至於其他既，除了不毛地帶和古代少女Dogoo酱會cut外，其他也會再看多一、兩集先再決定。不過講真，今季只是一套仁醫已經夠殺了^^ 但仍然會期待今季其他劇推出^^ 一起期待吧

~THE END~