香港新浪網 MySinaBlog
« 上一篇 | 下一篇 »
丹仔 | 15th Apr 2009, 23:59 PM | 日劇分享 | (273 Reads)

除了之前提過既 ghost friends天生妙手依兩套雖然有睇過,但一直都冇乜期待既劇出街後;アタシんちの男子亦正式開播!對我來講既春季劇終於開鑼了 XD


未睇之前小弟曾經有想過... 究竟依套劇係屬於邊類既劇呢?係溫情劇?笑片?定係其他?就咁看內容簡介真係估佢唔到!原來正如其他 blog 友估既,有些類似上季果套我的帥管家!係一齣以玩遊戲一樣,每集都要收服一個人既遊戲劇集黍^^"

開始時,當然如簡介所講,交代了主角峯田 千里堀北 真希飾)由於避債,經常提心吊膽過著乞衣妹既生活!但在一次去朋友既網吧洗澡時,碰巧債主追上門尋人... 而那朋友又唔識做戲千里係裡面既真相暴露左出來... 被發現當然拿拿淋走人啦... 但荒不擇路下竟然走入死巷... 就在債主開始為難佢時,佢"未來老公"終於乘坐直昇機出現... 順勢幫她還了借貸...(佢老公就係上季果套不可能犯罪調查官,扮演課長御手洗果條友... 仲要扮到成個白馬皇子咁出場 XD)

不過,這個出場既鋪排睇黍係早有預某!首先,和千里做鄰居果位大叔,和這位大富豪既未婚夫大藏 新造其實係認識的!並且唔遲唔早時間剛剛好,就係佢去網吧沖涼時債主就追到... 逃走路線似乎一早都被佢估到... 不過就算估唔中都冇所謂,大藏係座直昇機黍... 無論佢走去邊到都能夠一目了然啦 XD

救完駕後,千里座上他的直昇機,追問佢咁做既目的(冇事獻恩勤... 仲要係大拿拿一億大元!係人都知有野啦^^")大藏竟然絲絲然,把預先整好左既合同出來叫千里簽... 而我地可愛既千里又傻下傻下,冇睇清楚內容就簽名... 結果,張"合同"後面,係一張結婚証明書 XDD 細細個電視都有教,簽署文件時要睇清楚d內容架啦!今次上左賊船,恨錯難反了,妳都係認命吧 XDDD

當然,無啦啦要嫁比個笫一次見面既老頭,身為黃花圭女既代表-千里梗係唔制啦!查根究底幾大都要問出原因;但大藏既回答竟然係:「其實我只係得反一個月命,但一直以來,我都係孤家寡人未成家立室;係離世前,好想搵反個老婆陪自己,種感覺-多美好啊... XD」 跟著佢又再帶出:「如果妳唔想,咁就算數!但妳要比反幫妳還債果一億比我... 不過,妳嫁比我,有三餐溫飽點都好過要還債提心吊膽咁渡日唷... 都只係一個月姐...」(好有逼良為娼 feel...)千里考慮左一陣,都冇得比佢楝啦!為有免為其難咁答應吧 XDD

一個月後,大藏果真離世,而亦意味著份為期一個月既合同終於完結... 不過,故事當然唔係就咁完啦,原來份約仲有下文... (都叫妳睇清楚先簽架啦 XD)就係要作為母親,要在別墅裡和他的六個養子一齊生活三個月,並且要得到佢地既認可(做媽媽)先唔算違約...(果然係變態佬所為... 咁整人既 game 都被佢諗到 XD)於是,千里被逼又要開始進行笫二步份既合約... 想盡辦法去"孚攎"六個乖仔既心... 

依個係故事雖然幾奇怪,但都算幾得意,我都仲可以接受到,就一齊睇下,黍緊個 game 會點發展吧。^^

maybe continue..

留言(3) | 引用(0) | 話題(日劇)

[3] general health

period closely developed nutrition year metabolic appearance include nutritional rest 1980s considered common adequate notable muscle food consume 1990s myofibrillar


[引用] | 作者 general health | 2nd Oct 2012 22:06 PM | [舉報垃圾留言]

[2] Re: aibainoran
aibainoran :
個玩具大王一定同個阿伯串通啦, 玩具大王和千里張結婚申請書裡的資料, 無理由玩具大王會噤清楚千里的背景嘛, 一定是個阿伯講比玩具大王聽啦...^_^'

一定啦 XD 不過係唔知佢地咁做有咩目的就真(真係咁簡單想娶佢做老婆?唔會掛...)仲有就係,佢老豆都唔知有冇份挾埋一齊^^"
另外,果十誡現時只show左一誡出黍,黍緊既千里真係有排佢受唷 XD

丹仔
[引用] | 作者 丹仔 | 22nd Apr 2009 12:22 PM | [舉報垃圾留言]

[1]

個玩具大王一定同個阿伯串通啦, 玩具大王和千里張結婚申請書裡的資料, 無理由玩具大王會噤清楚千里的背景嘛, 一定是個阿伯講比玩具大王聽啦...^_^'

aibainoran
[引用] | 作者 aibainoran | 22nd Apr 2009 03:37 AM | [舉報垃圾留言]